पैलवान सुशील आणि राणा समर्थकांमध्ये 'दंगल', स्टेडियममध्येच मारहाण

दिल्लीच्या के डी जाधव इनडोअर स्टेडियमवर आयोजित राष्ट्रीय कुस्ती निवड चाचणीदरम्यान ही घटना घडली.

पैलवान सुशील आणि राणा समर्थकांमध्ये 'दंगल', स्टेडियममध्येच मारहाण

नवी दिल्ली : भारताचा डबल ऑलिम्पिक पदक विजेता पैलवान सुशील कुमार 2018 सालच्या राष्ट्रकुल क्रीडा स्पर्धेसाठी पात्र ठरला. पण त्याच सुशील कुमारच्या समर्थकांनी प्रतिस्पर्धी पैलवान प्रवीण राणाच्या समर्थकांवर हल्ला करुन, त्याच्या कामगिरीला गालबोट लावलं.

दिल्लीच्या के डी जाधव इनडोअर स्टेडियमवर आयोजित राष्ट्रीय कुस्ती निवड चाचणीदरम्यान ही घटना घडली.

सुशील कुमार आणि त्याच्या समर्थकांच्या दाव्यानुसार, राणाने कुस्ती सुरु असताना त्याच्या डोक्यावर मारलं. तसंच हाताचा चावा घेतला. त्यावरुनच दोघांच्या समर्थकांमध्ये हाणामारीला तोंड फुटलं.

Sushil_Rana_Supporters_Fight

सुशील कुमार म्हणाला की, "त्याने मला मारलं, पण काही हरकत नाही. मला चांगलं खेळण्यापासून परावृत्त करण्याची त्याची रणनीती असावी. हा खेळाचा एक भाग आहे. जे काही झालं ते चुकीचं होतं. मी याचा निषेध व्यक्त करतो. सामना संपल्यानतंर आमच्या मनात एकमेकांबद्दल आदर होता."

या विधानानंतरच दोन्ही पैलावानांचे समर्थक भिडले. दरम्यान सुशीलकुमार आणि प्रवीण राणा यांच्यातील  वैर जुनं आहे.

"सुशील कुमार समर्थकांनी मला जीवे मारण्याची धमकी दिली. तसंच आगामी प्रो कुस्ती लीगमध्ये न खेळण्याची धमकीही दिली," असा आरोप प्रवीण राणाने केला आहे. "इतकंच नाही तर सुशीलच्या समर्थकांनी रिंगमध्ये त्याच्याविरोधात उरतल्याने मला आणि माझ्या मोठ्या भावाला मारलं," असा दावाही राणाने केला आहे.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Delhi : Scuffle broke out between supporters of wrestlers Sushil Kumar and Parveen Rana
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV