सिंधूची दुबई सुपर सीरीज फायनल्सच्या अंतिम फेरीत धडक

या स्पर्धेच्या अंतिम फेरीत सिंधूचा मुकाबला जपानच्या अकाने यामागुचीशी होईल.

सिंधूची दुबई सुपर सीरीज फायनल्सच्या अंतिम फेरीत धडक

दुबई : भारताच्या ऑलिम्पिक आणि जागतिक रौप्यविजेत्या पी. व्ही. सिंधूने चीनच्या चेन युफेचा 21-15, 21-18 असा धुव्वा उडवून दुबई सुपर सीरीज फायनल्सच्या अंतिम फेरीत धडक मारली आहे.

या स्पर्धेच्या अंतिम फेरीत सिंधूचा मुकाबला जपानच्या अकाने यामागुचीशी होईल. सिंधून 2016 साली रिओ ऑलिम्पिकची, तर 2017 साली ग्लास्गो जागतिक विजेतेपद स्पर्धेची अंतिम फेरी गाठली होती.

त्यानंतर सिंधूने दुबई सुपर सीरीज फायनल्सच्या अंतिम फेरीचं तिकीट मिळवून आपल्या शिरपेचात मानाचा नवा तुरा खोवला. सिंधूने यंदाच्या मोसमात इंडिया ओपन आणि कोरिया ओपन या सुपर सीरीजची विजेतीपदं पटकावली.

जागतिक विजेतेपद आणि हाँगकाँग ओपनमध्ये तिला उपविजेतेपदावर समाधान मानावं लागलं होतं.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: pv sindhu
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV