पुजाराचं झुंजार शतक, टीम इंडियाची 360 धावांपर्यंत मजल

By: एबीपी माझा वेब टीम | Last Updated: Saturday, 18 March 2017 5:45 PM
पुजाराचं झुंजार शतक, टीम इंडियाची 360 धावांपर्यंत मजल

रांची: रांची कसोटीचा तिसरा दिवस हा टीम इंडियाचा शतकवीर चेतेश्वर पुजाराचा ठरला. पुजारानं कसोटी कारकीर्दीतलं अकरावं शतक झळकावलंच, पण अख्खा दिवस झुंज देत ऑस्ट्रेलियाला या कसोटीवर पकड घेऊ दिली नाही.

 

या कसोटीत भारतानं तिसऱ्या दिवसअखेर सहा बाद 360 धावांपर्यंत मजल मारली असून, पहिल्या डावातल्या आघाडीसाठी टीम इंडियाला अजूनही 92 धावांची आवश्यकता आहे. भारतीय संघाच्या दृष्टीनं समाधानाची बाब म्हणजे झुंजार शतकवीर चेतेश्वर पुजारा अजूनही मैदानात आहे.

 

तिसऱ्या दिवसाचा खेळ थांबला, त्या वेळी पुजारा 130, तर रिद्धिमान साहा 18 धावांवर खेळत होता. पुजारानं 328 चेंडूंमधली नाबाद 130 धावांची खेळी 17 चौकारांनी सजवली. पुजारानं मुरली विजयच्या साथीनं दुसऱ्या विकेटसाठी 102 धावांची, तर अजिंक्य रहाणेच्या साथीनं चौथ्या विकेटसाठी 51 धावांची भागीदारी रचली. या दोन भागिदाऱ्यांनी भारतीय डावाला आकार दिला.

 

दुसऱ्या दिवसाचा खेळ

 

लोकेश राहुल आणि मुरली विजय यांनी दिलेल्या 91 धावांच्या सलामीच्या जोरावर टीम इंडियानं रांची कसोटीच्या दुसऱ्या दिवसअखेर एक बाद 120 धावांची मजल मारली होती. दुसऱ्या दिवसाचा खेळ थांबला त्या वेळी मुरली विजय 42, तर चेतेश्वर पुजारा 10 धावांवर खेळत होता.

 

लोकेश राहुलनं या मालिकेतलं सलग चौथं अर्धशतक साजरं केलं. त्यानं 102 चेंडूंत नऊ चौकारांसह 67 धावांची खेळी उभारली. पॅट कमिन्सच्या एका उसळत्या चेंडूवर त्यानं यष्टिरक्षक मॅथ्यू वेडच्या हाती झेल दिला.

 

त्याआधी, कर्णधार स्टीव्ह स्मिथनं ग्लेन मॅक्सवेलच्या साथीनं पाचव्या विकेटसाठी रचलेल्या 191 धावांच्या भागिदारीनं ऑस्ट्रेलियाला 451 धावांची मजल मारून दिली. ऑस्ट्रेलियाच्या डावात कर्णधार स्टीव्ह स्मिथनं नाबाद 178 धावांचं योगदान दिलं. ग्लेन मॅक्सवेलनं 104 धावांची खेळी उभारली.

 

 

First Published: Saturday, 18 March 2017 11:40 AM

Related Stories

भारत-पाकिस्तान क्रिकेट मालिका दुबईत?
भारत-पाकिस्तान क्रिकेट मालिका दुबईत?

मुंबई : भारत आणि पाकिस्तानमधील क्रिकेट मालिकेच्या चर्चांना पुन्हा

हर्षा भोगले सध्या कुठे आहेत?
हर्षा भोगले सध्या कुठे आहेत?

मुंबई: गेल्या अनेक दिवसांपासून क्रिकेटच्या कॉमेंट्री बॉक्समधून

स्मिथकडून बीअरची ऑफर, रहाणेचं उत्तर...
स्मिथकडून बीअरची ऑफर, रहाणेचं उत्तर...

शिमला : भारताविरुद्धच्या मालिकेती पराभवानंतर ऑस्ट्रेलियन क्रिकेट

आर अश्विनला सर गारफील्ड सोबर्स ट्रॉफी!
आर अश्विनला सर गारफील्ड सोबर्स ट्रॉफी!

शिमला: धर्मशाला कसोटीतील विजयानंतर भारताचा अष्टपैलू रवीचंद्रन

धोनीच्या 'आधार'ची माहिती लीक, साक्षीचा रवीशंकर प्रसाद यांच्यावर निशाणा
धोनीच्या 'आधार'ची माहिती लीक, साक्षीचा रवीशंकर प्रसाद यांच्यावर...

नवी दिल्ली : टीम इंडियाचा माजी कर्णधार महेंद्र सिंह धोनीची वैयक्तिक

लायनल मेस्सीवर चार सामन्यांसाठी बंदी
लायनल मेस्सीवर चार सामन्यांसाठी बंदी

ब्यूनस आयर्स : अर्जेंटीना फुटबॉल टीमचा कर्णधार आणि स्टार स्ट्रायकर

आयसीसी क्रमवारीत टीम इंडियाचं अव्वल स्थान आणखी भक्कम
आयसीसी क्रमवारीत टीम इंडियाचं अव्वल स्थान आणखी भक्कम

शिमला : ऑस्ट्रेलियावरील मालिका विजयाबरोबरच भारताचं कसोटी

टीम इंडियाच्या शिलेदारांवर बीसीसीआयकडून रोख बक्षीस
टीम इंडियाच्या शिलेदारांवर बीसीसीआयकडून रोख बक्षीस

शिमला : विराट कोहलीच्या टीम इंडियाला कसोटी क्रमवारीत मिळवलेल्या

विराट कोहली आयपीएलला मुकणार?
विराट कोहली आयपीएलला मुकणार?

मुंबई : टीम इंडियाचा कर्णधार विराट कोहलीचा आयपीएलच्या

ऑस्ट्रेलियन क्रिकेटर आता माझे मित्र नाहीत : विराट कोहली
ऑस्ट्रेलियन क्रिकेटर आता माझे मित्र नाहीत : विराट कोहली

शिमला : भारत आणि ऑस्ट्रेलिया यांच्यातील मालिकेदरम्यान अनेक कटू