दुखापतीमुळे साहा आऊट, 8 वर्षांनी दिनेश कार्तिक कसोटी संघात!

दुसऱ्या कसोटीपूर्वी रिद्धीमान साहाला सरावादरम्यान दुखापत झाली होती.

दुखापतीमुळे साहा आऊट, 8 वर्षांनी दिनेश कार्तिक कसोटी संघात!

नवी दिल्ली: दक्षिण आफ्रिकेविरुद्धच्या कसोटी मालिकेदरम्यान दुखापत झालेल्या विकेटकीपर रिद्धीमान साहाला, आता मालिकेतून माघार घ्यावी लागली आहे. तिसऱ्या आणि शेवटच्या कसोटीसाठी भारतीय संघात साहाऐवजी दिनेश कार्तिकचा समावेश करण्यात आला आहे.

दुसऱ्या कसोटीपूर्वी रिद्धीमान साहाला सरावादरम्यान दुखापत झाली होती. त्यामुळे दुसऱ्या कसोटीत साहाऐवजी पार्थिव पटेलला प्लेईंग इलेव्हनमध्ये स्थान देण्यात आलं.

साहाची दुखापत बरी न झाल्याने त्याला तिसऱ्या कसोटीतूनही माघारी घ्यावी लागली आहे. त्यामुळे त्याच्या जागी दिनेश कार्तिकचा भारतीय संघात समावेश करण्यात आला आहे.

Dinesh Karthik

आफ्रिकेविरुद्धचा तिसरा कसोटी सामना 24 जानेवारीपासून जोहान्सबर्गमध्ये सुरु होणार आहे.

32 वर्षीय दिनेश कार्तिक भारताकडून 23 कसोटी सामने खेळला आहे. तो शेवटचा कसोटी सामना 2010 मध्ये बांगलादेशविरुद्धच्या कसोटीत खेळला होता. विकेटकीपर म्हणून त्याने 51 झेल आणि 5 स्टम्पिंग केले आहेत.

दुसरीकडे रिद्धीमान साहा सध्या भारताच्या कसोटी संघाचा महत्त्वाचा भाग आहे. साहाने सातत्याने कसोटीमध्ये चांगली कामगिरी केली आहे. त्याने एकाच कसोटीत 10 झेल पकडून भारतीय क्रिकेट इतिहासात नवा विक्रम रचला आहे.

साहाने 2010 मध्ये भारतीय संघात पदार्पण केलं. आतापर्यंत तो 32 कसोटी सामने खेळला आहे. यामध्ये त्याने 75 झेल आणि 10 स्टम्पिंग केले आहेत.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: India vs South Africa Dinesh Karthik to replace injured Wriddhiman Saha
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV