रणजी फायनल : अक्षय वाडकरची शतकी खेळी, विदर्भाकडे 233 धावांची आघाडी

विदर्भ आणि दिल्ली संघांमधला हा अंतिम सामना इंदूरच्या होळकर स्टेडियमवर सुरु आहे.

रणजी फायनल : अक्षय वाडकरची शतकी खेळी, विदर्भाकडे 233 धावांची आघाडी

इंदूर : अक्षय वाडकरच्या नाबाद शतकाच्या जोरावर विदर्भाने रणजी करंडकाच्या अंतिम सामन्यात सात बाद 528 धावांचा डोंगर उभारला. त्यामुळे विदर्भाने तिसऱ्या दिवसअखेर 233 धावांची आघाडी घेतली. विदर्भ आणि दिल्ली संघांमधला हा अंतिम सामना इंदूरच्या होळकर स्टेडियमवर सुरु आहे.

तिसऱ्या दिवसाचा खेळ संपला तेव्हा वाडकर 133 धावांवर, तर सिद्धेश नेरळ 56 धावांवर खेळत होता. अक्षय वाडकरने प्रथम श्रेणी कारकीर्दीतलं पहिलं शतक साजरं केलं. त्याने नाबाद 133 धावांची खेळी 16 चौकार आणि एका षटकाराने सजवली.

यष्टिरक्षक अक्षय वाडकरने विदर्भाच्या डावात कमालीच्या सहजतेने फलंदाजी केली. वाडकरने वैयक्तिक शतक झळकावलंच, पण त्याने दोन मोठ्या भागीदारी रचून विदर्भाच्या भक्कम पायावर धावांचा कळसही चढवला.

वाडकरने आदित्य सरवटेच्या साथीने सातव्या विकेटसाठी 169 तर आठव्या विकेटसाठी सिद्धेश नेरळसह 113 धावांची अभेद्य भागीदारी रचली. आदित्य सरवटेने 11 चौकारांसह 79 धावांची खेळी उभारली.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Ranji final delhi vs vidarbha akshay wadkar make not out hundred
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV