राष्ट्रकुल कुस्ती स्पर्धा : सुशील कुमार आणि साक्षीची 'सुवर्ण' कमाई

आपलं हे पदक देशातील प्रत्येक नागरिकाला समर्पित करत असल्याचं सुशील कुमार म्हणाला.

राष्ट्रकुल कुस्ती स्पर्धा : सुशील कुमार आणि साक्षीची 'सुवर्ण' कमाई

जोहान्सबर्ग : भारताचा डबल ऑलिम्पिक पदकविजेत्या सुशील कुमारने जोहान्सबर्गच्या राष्ट्रकुल कुस्ती स्पर्धेत सुवर्णपदकाची कमाई करून आपलं पुनरागमन साजरं केलं. आपलं हे पदक देशातील प्रत्येक नागरिकाला समर्पित करत असल्याचं तो म्हणाला.

रिओ ऑलिम्पिकमध्ये कांस्यपदकाचा मानकरी ठरलेल्या साक्षी मलिकनेही या स्पर्धेत सुवर्णपदकाची कमाई केली. सुशीलकुमारने पुरुषांच्या फ्रीस्टाईल कुस्तीत 74 किलो गटाचं सुवर्णपदक पटकावलं.

सुशील कुमारने न्यूझीलंडच्या आकाश खुल्लरला अस्मान दाखवलं. साक्षी मलिकने महिलांच्या फ्रीस्टाईल कुस्तीच्या 62 किलो गटात न्यूझीलंडच्या टायला ट्यूहाईन फोर्डचा 13-2 असा धुव्वा उडवला.

या विजयानंतर बोलताना त्याने अत्यंत भावूक प्रतिक्रिया दिली. ''तीन वर्षांनी आंतरराष्ट्रीय कुस्ती स्पर्धेतील हे पदक मी आई-वडील, गुरु सतपाल जी पहेलवान आणि अध्यात्मिक गुरु योगऋशी स्वामी रामदेव आणि देशातील प्रत्येक नागरिकाला समर्पित करतो'', असं ट्वीट सुशीलने केलं.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: sushil kumar and sakshi malik wons gold medal in commonwealth wrestling
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV