पंचांशी हुज्जत महागात, विराटवर दंडाची कारवाई

मैदानातल्या ओलाव्यामुळं चेंडूही ओला होत असल्याचं त्याने पंचांच्या निदर्शनास आणलं होतं.

पंचांशी हुज्जत महागात, विराटवर दंडाची कारवाई

सेन्चुरियन : टीम इंडियाचा कर्णधार विराट कोहलीला पंचांशी हुज्जत घातल्याप्रकरणी त्याच्या कसोटी मानधनाच्या 25 टक्के रकमेचा दंड ठोठावण्यात आला आहे.

सेन्च्युरियन कसोटीच्या तिसऱ्या दिवशी पावसाच्या व्यत्ययानंतर खेळ सुरू करण्याचा पंचांचा निर्णय विराटला पसंत पडला नव्हता. मैदानातल्या ओलाव्यामुळं चेंडूही ओला होत असल्याचं त्याने पंचांच्या निदर्शनास आणलं होतं.

त्यामुळे भारतीय गोलंदाजांना चेंडूवर ग्रिप घेणं कठीण होत असल्याचा विराटचा दावा होता. पण पंचांनी तो मान्य न केल्याच्या रागात भारतीय कर्णधाराने चेंडू जोरात मैदानात आपटला.

या प्रकरणात सामनाधिकारी ख्रिस ब्रॉड यांनी विराटवर मानधनाच्या 25 टक्के रकमेचा दंड आणि एक दंड गुण अशी कारवाई केली. पावसाच्या व्यत्ययामुळे तिसऱ्या दिवसाचा खेळ थांबवावा लागला होता.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Virat kohli fined 25 percent of his match fees
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
अधिक माहिती: fine Virat Kohli दंड विराट कोहली
First Published:
LiveTV