नाशिक : तडफडणाऱ्या अपघातग्रस्त तरुणावर डॉ. सुहास कोटक यांचे भररस्त्यात उपचार

27 Dec 2017 03:18 PM

नाशिकच्या पंचवटीतील अमृतधाम परिसरात मंगळवारी रात्री 10.30 सुमारास दोन दुचाकींचा समोरा समोर भीषण अपघात झाला. या अपघातात एक व्यक्ती गंभीर झाली, त्याच्या छातीला आणि डोक्याला जबर मार लागला.

रस्त्यावरच रक्ताच्या थारोळ्यात तो पडला असतानाच, बघ्यांची मोठी गर्दी झाली होती. त्याचवेळी कळवणच्या शासकीय रुग्णालयात कार्यरत असलेले डॉक्टर सुहास कोटक हे याच रस्त्याने जात होते. त्यांनी हा सर्व प्रकार बघताच गाडी थांबवली आणि रस्त्यावरच त्वरित जखमींवर उपचार सुरु केले.

अपघातात जखमींच्या तोंडातून रक्तस्त्राव होत असल्याने त्याला ऑक्सिजनची गरज होती. अॅम्बुलन्स येईपर्यंत अर्धा तास निघून गेला होता. मात्र डॉक्टर कोटक यांनी आपल्या गाडीत असलेला ऑक्सिजन पंप काढला आणि जखमींवर अपघातस्थळी उपचार सुरु केला.

LATEST VIDEOS

LiveTV