तुम्ही आमच्यासोबत आहात, की कतारसोबत? सौदी राजांचा पाकला सवाल

By: | Last Updated: > Wednesday, 14 June 2017 6:23 PM
saudi king salman asks pakistan pm nawaz sharif are you with us or qatar

इस्लामाबाद : आखाती देशांत कतारला एकाकी पाडण्यासाठी सौदी अरेबियाने चांगलाच जोर लावला आहे. त्यासाठी पाकिस्तानचे पंतप्रधान नवाझ शरीफ आणि सौदी राजे सलमान यांच्या भेटीत सौदी राजांनी तुम्ही कोणासोबत आहात? असा स्पष्ट सवाल पाकिस्तानच्या पंतप्रधानांना केला आहे.

एक्सप्रेस ट्रिब्यूनने दिलेल्या वृत्तानुसार, कतार संकटाच्या पार्श्वभूमीवर पाकिस्तानचे पंतप्रधान नवाझ शरीफ यांनी सोमवारी सौदी अरेबियाचे राजे सलमान बिन अब्दुलअझीझ अल सौद यांची भेट घेतली. यावेळी सौदी राजे सलमान यांनी पाकिस्तानला आपली भूमिका स्पष्ट करण्यास सांगितलं आहे.

पण सौदी राजांच्या या प्रश्नावर पाकिस्तानने तटस्थेची भूमिका घेतली असून, पश्चिम अशियातील राजकीय संकटात पाकिस्तान कोणाही एकाचा पक्ष घेऊ शकत नसल्याचं शरीफ यांनी यावेळी स्पष्ट केलं आहे.

आखाती देशातील इजिप्त, सौदी अरेबिया, बहरीन, यूएई आदी देशांनी कतारशी आपले सर्व राजकीय संबंध तोडले आहेत. कतार दहशतवादी संघटनांना खतपाणी घातल असल्याचा या देशांचा आरोप आहे. या पार्श्वभूमीवर पाकिस्तानकडूनही सावध भूमिका घेतली जात आहे.

दरम्यान, या भेटीची माहिती देणाऱ्या एका वरीष्ठ अधिकाऱ्याने सांगितलं की, मुस्लीम जगतात मतभेद निर्माण करणाऱ्या कोणत्याही प्रश्नावर पाकिस्तानची तटस्थेची भूमिका आहे. पण तरीही सौदी अरबला शांत करण्यासाठी पाकिस्तान कतारवरील आपल्या प्रभावाचा वापर करेल, असंही त्यांनी स्पष्ट केलं आहे.

यासाठी सध्या पाकिस्तानचे पंतप्रधान नवाझ शरीफ कुवेत, कतार आणि तुर्कस्थानच्या दौऱ्यावर आहेत. या दौऱ्यात शरीफ यांच्यासोबत पाकिस्तानचे लष्करप्रमुख जनरल कमर जावेद बाजवा आणि इतर काही वरीष्ठ अधिकारीही जाणार आहेत. या दौऱ्यावेळी पाकिस्तानचे पंतप्रधान सोमवारी जेद्दामध्ये होते.

दरम्यान, शरीफ यांनी सौदी राजे सलमान यांची भेट घेऊन मुस्लीम समाजाच्या हिताचा विचार करुन आखातातील राजकीय संकटावर लवकर मार्ग काढण्याचं आवाहन केलं. सौदी प्रेस एजन्सीने या भेटीबद्दल माहिती देताना, दोन्ही देशांमध्ये द्विपक्षीय चर्चेसोबतच वर्तमान स्थितीवर चर्चा झाली. तसेच दहशतवाद विरोधातील हा लढा मुस्लिमांच्या हिताचा असल्याचं सौदी राजे सलमान यांनी पाकिस्तानच्या पंतप्रधानांना स्पष्ट केलं.

First Published:

Related Stories

'चना' आणि 'चना डाळ' शब्दांचा ऑक्सफर्ड डिक्शनरीत समावेश
'चना' आणि 'चना डाळ' शब्दांचा ऑक्सफर्ड डिक्शनरीत समावेश

लंडन : डाळ आणि ‘चना डाळ’ हा भारतीयांच्या जेवणात सर्रास वापरण्यात

युरोपमध्ये पुन्हा सायबर हल्ला, भारतालाही धोका
युरोपमध्ये पुन्हा सायबर हल्ला, भारतालाही धोका

मुंबई : वॉनाक्रायच्या दहशतीच्या महिन्याभरानंतर नव्या पीटरॅप

पासपोर्टचे रंग बदलले म्हणून रक्ताची नाती मिटत नाहीत : मोदी
पासपोर्टचे रंग बदलले म्हणून रक्ताची नाती मिटत नाहीत : मोदी

हेग : पासपोर्टचे रंग बदलले म्हणून रक्ताची नाती मिटत नाहीत, असे म्हणत

भारताकडे ग्लोबल इकॉनॉमिक पॉवर, नेदरलँडच्या पंतप्रधानांकडून मोदींचं स्वागत
भारताकडे ग्लोबल इकॉनॉमिक पॉवर, नेदरलँडच्या पंतप्रधानांकडून...

अॅमस्टरडॅम : अमेरिका दौऱ्यानंतर पंतप्रधान नरेंद्र मोदी थेट

सय्यद सलाउद्दीन आंतरराष्ट्रीय दहशतवादी घोषित, पाकिस्तानचा तिळपापड
सय्यद सलाउद्दीन आंतरराष्ट्रीय दहशतवादी घोषित, पाकिस्तानचा...

नवी दिल्ली : दहशतवादाच्या मुद्द्यावर पाकिस्तानच्या कुरापती चालूच

पंतप्रधान मोदी अमेरिकेहून थेट नेदरलँडला रवाना
पंतप्रधान मोदी अमेरिकेहून थेट नेदरलँडला रवाना

वॉशिंग्टन : दोन दिवसीय अमेरिकेच्या दौऱ्यानंतर भारताचे पंतप्रधान

मिसेस मोदींसाठी व्हाईट हाऊसच्या गार्ड्सनी दरवाजे उघडले?
मिसेस मोदींसाठी व्हाईट हाऊसच्या गार्ड्सनी दरवाजे उघडले?

वॉशिंग्टन : जगातील दोन शक्तिशाली देशांच्या प्रमुख नेत्यांची

... तर भारताला अमेरिकेशी जवळीक महागात पडेल, चीनची धमकी
... तर भारताला अमेरिकेशी जवळीक महागात पडेल, चीनची धमकी

नवी दिल्ली : भारताचे पंतप्रधान नरेंद्र मोदी यांनी अमेरिकेचे

इराणचे सर्वोच्च नेते अयातुल्ला खोमेनींनी ओकली काश्मीरविरोधी गरळ
इराणचे सर्वोच्च नेते अयातुल्ला खोमेनींनी ओकली काश्मीरविरोधी गरळ

तेहरान : इराणचे सर्वोच्च नेते अयातुल्ला खोमेनी यांनी ईदच्या दिवशी

मोदी भेटीदरम्यान मेलानिया यांनी परिधान केलेल्या ड्रेसची किंमत तब्बल...
मोदी भेटीदरम्यान मेलानिया यांनी परिधान केलेल्या ड्रेसची किंमत...

वॉशिंग्टन : भारताचे पंतप्रधान नरेंद्र मोदी यांचा अमेरिका आणि